مش عارف انا إللي نظري ضعيف وماخدش بالي قبل كدة،
بس النهاردة لاحظت حرف غريب على البانر بتاع جريدة المصري اليوم (نسخة الانترنت)
المهم قلت لنفسي توكل على الله ودوس ياد عليه
وطلع إللي ماكنش على البال ولا على الخاطر
وبعدين قعدت أسأل نفسي بنفس طريقة عمرو أديب
طب ليه؟؟؟ ليه عاملين نسخة بالانجليزي؟؟؟ دة حتى مش مترجمين اسم الجريدة…
عايزين يقولوا إيه ولمين
طيب هل حيطبعوعها بقة ويبيعوها في السوق .. ومين حيشتريها؟
طيب هيكتبوا نفس الكلام ولا دي ليها هيئة تحريرية مختلفة
أسئلة كتيرة.. ياريت إللي يعرف يقوللي
Filed under: Uncategorized
انا اول مرة الاحظ الموضوع دا