دراسة علمية مثيرة للجدل: العادة السرية قد تسبب السرطان

سوف يعجب شيوخنا الأفاضل بالتأكيد بنتائج هذه الدراسة، وسوف نرى دكتور خالد منتصر يأكل أظافره غيظًا بعد أن خلص مجموعة من الباحثين في جامعة نوتنجهام أن كثرة الممارسة الجنسية خلال سنوات الشباب يساهم بشكل كبير في التعرض للإصابة بسرطان البروتستاتا. كما أشار الباحثون أن من يمارسون العادة السرية هم أكثر عرضه من غيرهم. أوردت الدراسة لعدد من النتائج تشير إلى الصلة بين الممارسة الجنسية وسرطان البروستاتا، ولكن واحدة من هذه النتائج تركز على العادة السرية:

مجموعة الرجال الذين أصيبوا بسرطان البروستاتا كانوا على الأرجح يمارسون العادة السرية بصورة أكثر تكرارًا من الرجال في مجموعة التحكم (المجموعة الغير مصابة بالمرض) مع وجود أكثر الفروق اتساعًا في المجموعتين العمريتين العشرينات(34% بمقابل 24%)  والثلاثينيات (41% بمقابل 31%)، مع تقلص الفارق لدى الذين مارسوا العادة السرية بعد أن تعدوا سن الأربعين (34% بمقابل 28%)، أما من مارسوا العادة السيرة بعد الخمسين فقد قلل هذا بشكل طفيف فرص إصابتهم بالمرض.

إيه مالك بتترعش ليه وعرقت مرة واحدة؟ يا عم العمر واحد والرب واحد. دلوقتي خفت يجيلك سرطان من كتر الزحلقة؟ يا أخي وحد الله، من لم يمت بالفازلين مات بغيره. الحمد لله احنا في مصر عندنا حاجات تانية كتير تجيبلك سرطان لو منفعش معاك موضوع العادة السرية دة. يعني انت متسرطن متسرطن من غير جدال، ويعدين السرطان دة سياسة دولة وموضوع أمن قومي علشان معدل الزيادة السكانية الرهيبة إللي مخلي الحكومة مش عارفة يا عيني تأكلنا عيش حاف. وحتى لو نفدت بكام رغيف عيش من المدعم أبو خمسة، ما هو العيش أصلاً عنصر فعال ضمن المشروع القومي “لمكافحة” طرق الوقاية من السرطان علشان القمح بتاعه متوصي عليه في بلاده ومحطوط فيه عناصر مسرطنة جاهزة. يعني يا روحي ما تقلقش خالص، لو انت انسان ملتزم ومحافظ ومش بتحب تلعب في بتاعك، في فرصة كبيرة برضه انه يجيلك سرطان من الأكل، من الجو، من المية، من أكياس دم أو حتى من حزمة جرجير. وبعدين الراجل قلك ان العادة السرية ممكن تبقى مفيدة لما الواحد يعدي الخمسين. افضل انت بقى شغال لغاية ما تعدي الخمسين وكله حيبقى تمام.

عمومًا لو انت مهتم بالموضوع ممكن تاخد تفاصيل أكتر هنا: وصلة إلى الموضوع الأصلي كما هو منشور في موقع Science Daily