جمال مبارك يتحدى الملل

gamal_mubarak03.jpg قرأت هنا ان جمال مبارك شخصيًا أنشأ مدونة يتحدث فيها عن نفسه وقام بتسمية مدونته الوريث. اقرأ في السطور التالية ردة فعل مكتشفة المدونة

قعده من يومين ع النت-لابيه ولا عليا- سايتات تشيلنى وسايتات تحطنى فى فضاء الله -السيبرى- الواسع واذ فجاءه الاقيلكو ايه,مدونه بس موش اى مدونه ياباشا دى مدونه جمال مبارك اه اتسرعت كده ليه بقولك مدونه جمال مبارك شخصيا..اه والله .. يعنى الحزب الوطنى,يعنى أمانه السياسات,يعنى الشباب الوطنى,يعنى الفكر الجديد… نقول كمان
المزيد

مدونة الوريث أصابتني بالحيرة. فعلى الرغم من حداثة عهدي بالمدونات عمومًا وبمدونات المصريين بصفة خاصة، إلا أني أرى في هذه المدونة بالذات شيئًا غير طبيعي. فتارة لا أستطيع أن أصدق أن كاتبها هو نفسه جمال مبارك لأن فكرة المدونات عند جمال مبارك من المرجح أن تكون فكرة سخيفة بعد أن أصبحت المدونات رمزًا لمعارضة الشباب للنظام المصري ورموزه ولن يأتي من ورائها إلا صداعًا أكثر ومعارضة لكل ما يكتبه وسيرى ذلك في التعليقات التي ترسل إليه. والسبب الآخر أن جمال مبارك -كما قرأت وتكلم عنه الكثيرون- لديه هرم كبير من  الغرور والتعالي يجعل حركة مثل هذه صعبة جدًا وشاقة على نفسه التى تسكن قصرًا عاجيًا. ولهذه الأسباب كنت أتوقع أن أرى مدونة فكاهية يقوم بها أحد النشطاء بانتحال شخصية جمال مبارك ويستخدم ذلك ليقدم شخصية هزلية كارتونية لجمال مبارك

ولكنني عوضًَا عن ذلك رأيتني أمام مدونة تحمل صبغة غريبة لا أفهمها. وهنا أراني مجددًا أراجع نفسي وأقول لعله فعلاً الوريث الحقيقي وليس شخصًا متنكرًا. فكلماته قليلة وأسلوبه لا يشبه أيًا من أساليب المدونيين أو الطريقة الشائعة لدى المدونيين الناشطيين سياسيًا والمعروفة لدى الجماهير العريضة للمدونيين. وما زارد من شكوكي أنه من الممكن فعلاً أن يكون جمال نفيه أو أحد رجاله هو من قام بذلك أن صاحب المدونة أيًا كان لم يترك مجالاً للتعليق إلا للمسجلين في بلوجرز دوت كوم وحرم المعلقين الذين يريدون أن تظل هويتهم مجهولة من التعليق

عمومًا أيها السادة فإن فرضية أن هذه المدونة انشأت للحصول على مؤشرات معينة وجس نبض مجتمع المدونيين المعارضين تتغلب على فرضية أن من أنشأ هذه المدونة هو بالفعل أحد النشطاء الذي أراد الاستخفاف بجمال مبارك. ولهذا ادعوكم جميعًا لمقاطعتها على الأقل حتى يثبت العكس. فجمال مبارك -على حد اعتقادي- ليس من طبيعته الإصغاء لمن حوله ومن المستبعد أن يصغي إلينا أو يقوم بالتخلي عن طموحاته غير الشرعية بعد قرائة تعليقاتنا

Advertisements

45 تعليق

  1. غريبة الأستاذ / جمال مبارك بنفسة بيكب فى المدونة دى
    مش غريبة شوية؟
    يعنى خلاص زهق من السياسة وما بيفسحش خطيبته ولا بيعد مع اصحابة رجال الأعمال
    ولا بيتابع التقرير الى بتوصلة عن فلوسة واعمالة
    وعن الراى العام المصرى؟؟؟
    غريبة اوى اوى اوى

  2. غريبة الاخ جيمى والله غريبة انة سايب الاخت خديجة ورايح لوجع الدماغ بتاع المدونات دة اكيد شاف رؤيا ولا حاجة كدةخلتة ييجى للمدونات عموما اهلا بيك يا اخ جيمى معارض جديد يبس انت هتعارض مينابوك ولا اللجنة اللى انت ماسكها ولا الطرطور اقصد رئيس الوزراءاللى انت معينت ولا مين والله عيشنا وشفنا

  3. we need a real change a chance to see something else. Gamal or who ever it’s gonna be better.

  4. we nedd a real change and the chance to see something else Gamal or who ever it’s gonna be better

  5. we need a real change and the chance to see something new.Gamal or who ever it’s gonna be better

  6. يا جماعه متسيبوا الواد جمول يعمل اللى هوه عاوزه مش كفايه انه متكرم وماسك امين حزب السياسات ولا بابا اللى تكرم وسرق الشعب مش كفايه انه تكرم وحط ايده فى جيوبكم يا كلاب

  7. يا جماعة دى حرية شخصية اية كلكم زعلانين لية سيبوا اخونا جمال يبعبر على اللى جواة

  8. عدموا صدام وفى ناس قاعدة بتعمل مدونات …… الله يرحمه ويرحمنا احنا كمان

  9. إلى الأخت هبة:
    إيش عرفك ان أي حد غير مبارك حيبقى أحسن بالضرورة؟

  10. يعنى خلاص كل مشاكل البلد اتحلت يعنى الشغل مترمى على الرصيف والتعليم فى احسن حال علشان نروح نعمل مدونات safrota_dandish@yahoo.com

  11. please be aware of your deeds to not be like him

  12. حقيقي انا اسف علي الاسلوب بص صعب علي هذا الذى يحدث

  13. صدام بين واقع وخيال
    صدام بين انسان وحيوان
    انسان يدعي اسمه صدام واخر لايدعي بانسان
    انسان اذا ذكر اسمه عادت الي الاذهان
    بطولات وامجاد
    انسان مفخرة وزهو و انتصار
    واخر يحمل معه الخز والعار عار عليك عار عليك
    ان تبيع باق بفان
    خنت الامانة خنت العهد خنت الوفاء

  14. وللحديث بقية ان كان في العمر بقية

  15. انا كمان مصدقتش ان جمال مبارك سايب شغله وخطيبته وعمل مدونة. وعلي فكرة انا اللي عرفني بيها احدى جرائد المعارضة. بس يارب تكون فعلا انت وتكون المدونة نافذة للحوار الحضاري المهذب .

  16. يا جماعة احنا في بلد مليانة مغالاطات .. ويمكن اكبر غلطة مرت بينا هي ان واحد زي بابا حسني يمسكنا تاني .. بس الراجل اتكرم وقال لاخونا الكبير ( جيمي ) يجي يلعب معانا شوية ونفضفض كلنا مع بعض .. يا جماعة اللي بيحصل ده هو اكبر دليل على فساد البلد يعني راجل امين سياسات الحزب الحاكم فاضي علشان يقعد يعمل مدونات …. على العموم مقدرش اقول غير ( الله يرحمك يا مصر ) ويهدي شعبك .. ويهد صاحبنا اياه هو و( سوزي ) ( لولو ) وكمان ( جيمي ) قولوا اميييييييييييييين

  17. أيها الطائر الحزين لماذا تحقر من شأن المدونات. يعني إيه فاضي يعمل مدونات؟ هيا المدونات دي لعب في الطين؟ ولا هو بيكتبها بالبلاي ستيشين؟

  18. انا اول مره ادخل على المدونه دى لكن قريت عنها فى احد الصحف الخاصه وبصراحه مش مصدق ان ابن الرئيس عفوا رئيس الجمهوريه هو اللى بيكلمنا شخصيا اعتقد انها واسعه شويه على فكره دى مش هتبقى اخر مره اكلمكم لكن هتبقى فى مرات كتير اوووى وهتبقى فى اساله كتير اوى لرئيسنا العظيم جمال عبد الناصر يوووووووه اسف قصدى جمال مبارك يلا سلام

  19. اخباركم ايه زى مانا قولتلكم مش هتبقى اخر مره اكتبلكم فيها او اكتب للسيد جمال مبارك اللى انا مش مصدق اصلا انه بيكلمنا وياريت يكلمنا عن الفكر الجديد شويه بتاع حزبه علشان احنا كمان نعرف ايه هو الفكر الجديد ياريت يا ريس

  20. ها ايه اخباركم ياجماعه طبعا دى تالت مره اتكلم هنا اول حاجه اسلم على رئيسنا لان ميصحش ابقى فى حضره الرئيس ومسلمش عليه واعرف ايه اخباره واحنا مزعلينه فى ايه لان انا عارف اننا شعب يخنق اصلا مش كدا ولا ايه ياريس فاكر تصريحات نظيف بيه لما قال ان الشعب فاكر ان الحكومه ماما وعايزنا نرضعه فاكر ياريس

  21. السلام عليكم ياريت تكتب عنوان المدونة دى ولك جزيل الشكر

  22. مساء الخير عليكم ومساء الخير يا ولى النعم صحيح ياريس فى موضوع كدا عايز اقول لحضرتك عليك انتوا هتسيبوا الراجل بتاعم بتاع اكياس الدم اياها لانه وطنى ولا هيبقى كبش فداء ؟؟؟؟؟؟؟؟؟هه قولى ياريس

  23. السلام عليكم يا مواطن يا مصرى يا مفروس ….حاجة جميلة ان يبقى لينا كلنا موضوع واحد نتكلم فيه …….الحقيقة ان السؤال اللى كل الناس بتسأله ان ليه جمال مبارك سمى مدونته بالوريث اجابته معروفة وكلنا عارفينها وبلاش نضحك على نفسنا اكتر من كدة …..ولكن السؤال الاهم ان هو ليه عمل المدونة!!!!!!!!!!!!!؟ ارجو الرد

  24. يا جماعة كفايا بقى الراجل اتخنق مننا حرام عليكوا خلوا فى قلوبكم شوية رحمه احنا كلنا عايشين احلى عيشة مصر ام الدنيا

  25. مساء الخير عليكم وطبعا احب ارد على المنق اقوله انا فى تصورى مجموعه من الاحتمالات اولها ان لو فعلا ده جمال مبارك بيحاول يشوف هل ممكن الشعب يقبله ولا لاء ده فى حاله لو هو فعلا ابن الريس او ممكن يكون حد من طيور امانه الحزب حب يخدم رئيس البلد ويعمله مدونه بس اللى انا مستغرب له ازاى يسمى المدونه الوريث وهو اصلا ليل نهار بيقول لا وريث ايه انا برفض السلطه وكلكم عارفين الكلام ده حقيقى يا منقذ سؤالك محير جداااااااااااااا

  26. انا سعيدة انك رديت عليا يا مواطن يا مصراوى مفروس مش حاجة غريبة ان جمال مبارك نفسه يعمل مدونة يمكن عايز يسلى نفسه شوية بس الاحسن انه يعمل حاجه مفيدة للوطن بدل ما يعمل مدونه مالهاش لزمة
    مع السلامه

  27. مساء الخير يا منقذ يا حبيبى واضح انك متعرفش الاسره المالكه فى البلد دى علشان سياده الريس يسيب مسؤلياته دى كلها ويقعد يتكلم مع عامه الشعب على النت هو الاحتمال اللى انا قولته ممكن يكون هو الاقوى ان اى حد من امانه السياسات حب يجامل رئيس البلد لان انا مازلت بقول ان جمال هو رئيس البلد الحقيقى بس فى الخفاء ده مجرد راى يا شباب

  28. حقا ان جمال مبارك هو اصلح واحد فى مصر من اجل احتلال منصب رئيس الجمهوريه ومن وجهة نظر الشعب جمال ما هو الى حرامى محنك تربى فى احضان اسره دكتاتوريه بكل ما تحمله الكلمه من معان ومعه سيكون المستقبل اسوء ما يكون لمصر اما انا فرئى قابل للثواب واخر للخطء هو ان جمال مبارك هو بداية اشتعال فتيل ثورة حقيقه للشعب الذى بات مقهورا يحمل فى قلبه الكثير والكثير من الضغائن لتلك الحكومه القزره برئاسه القزر حسنى مبارك

  29. الأخ/الأخت نهضة مصر المحترم/المحترمة
    أنصحك بقراءة تدوينة المصريون لا يخرجون لسانهم حتى تتعرف أكثر على أثر هذه الحكومة القزرة على تعليم أبناء مصر الأبرار

  30. مساء الخير ياشباب صحيح كلام نهضه مصر حقيقى بس بقى اللى محدش يعرف ان فعلا ثوره الشعب بدات بدايه من اضراب عمال مصر فى جميع انحائها وربنا يستر على الايام اللى جايه

  31. مساء الخير ازيكم بعد التعليقات اللى كتبتوها دى تفتكروا ايه هيكون رد فعلكوا بجد لو بقى جمال الرئيس الجاى

  32. مساء الخير ياشباب اخباركم ايه احب اقولكم ان النظام فى مصر بدا يضعف وبدا الانشقاق بداخله بين مايسموا الحرس الجديد وفكر المستقبل والحرس القديم لكن كانت الصفعه من مبارك الاكبر لمبارك الصغير بعد خطابه فى مجلس الشعب انه باق مادام فى الصدر قلب ينبض ودعونا نتسائل لماذا لم ولن يرشح الرئيس مبارك نائبا له ؟؟؟؟؟؟؟؟ ولم يجتمع جمال مبارك كل بضعه شهور بكبار المسؤلين فى امريكا واحيانا تكون الزياره سريه اما بالنسبه لموضوع رد فعل الشعب للاسف الشعب المصرى شعب سلبى لدرجه الخنوع والاستسلام لن يكون هناك اى رد فعل عند نقل السلطه الى جمال والايام سوف تؤكد ذلك

  33. انا عن نفسى اعرف ان اى ديكتاتور وابنه بيكرهو اى كاتب او مفكر وعلشان كده جمال حبيب امه مش ممكن يكتب مدونه

  34. هائ ازيكم كلكم وخصوصا المواطن المصرى المفروس انا مكتبتلكوش بقالى حوالى كام شهر بسى اديني رجعت انا معاك يا مواطن يا مفروس ان الشعب المصري سلبي جدا ومبيعملش حاجة غير انه يعد يتفرج على اللى بيحصل ويقوللك انا مالى خلينى في حالى احسن وكان العفريت هيكله يا جماعة عازين نمشي الخوف من قلوبنا

  35. انا الاولي علي كلية الاداب من اول سنه دخلت فيها الكلية لغاية اخر سنه ولكن في سنه رابعة اعطوا طالب عمه دكتور في الكلية 0.1 زيادة عني مع العلم ان هذا الطالب مكانش في ترتيب الدفعة اصلا . المهم انا دفعة 2005 ومن ساعة تخرجي لغاية اليوم بدور علي حقي والحمد لله بالبت في عملية رصد الدرجات لبعض المواد اكتشف عميد الكلية ان عم هذا الطالب كان بيسرق اوراق اجابتي ويعمل عملية تبديل للاوراق والكلاب دة اتثبت لانه مفيش ورق اجابة اصلا والقانون بينص علي انه اذا كان الطالب حاضر وتم اخفاء ورقة اجابته فله امتياز او له المتوسط وفي الحالتين انا حاخد امتياز لان نتيجة السنه دي ( 4 ) عندي 8 امتياز ولكن في المادة المختفية مقبول المهم رئيس الجامعة وعدني انه حيعيني بس بشرط الم الموضوع ومحدش يسمع بيه لانه في خطر عليه وعلي جميع الرتب اللي في الجامعة . انا سكت وهو خلي الوقت فات واخر حاجة قالي فوضي امرك لله انا حعمل ايه يعني . الغريب اني مش خدمت الجامعة بس ولكن خدمت مصر باكملها فانا الطالبة المثالية علي الجامعات المصرية – والمتحدثة باسم طلاب الجامعات المصرية في المعسكرات واللقاءات – وحصلت علي جائزة الدولة في كتابة الابحاث وهذه جائزة لم يحصل عليها سوي سته افراد انا اصغرهم سنا علي مستوي الجمهورية . وانا نفسي حد يساعدني واللي عايز يعرف اكتر يراسلني علي الايميل draml2009@yahoo.com فلو جمال مبارك بيطلع علي المدونه يساعدني . علشان يثبت للخلق عكس ما هما عارفين

  36. يابنتى هو فاضى ,اللى عامل المدونة دى واحد بيتسلى شوفى تعليقات جمال مبارك على موضوع القراءة وانتى تعرفى انه مابيقراش غير تقارير

  37. السلام عليكم اولا ….. ممكن اوضحا وجهت نظري الدنيا كلها بتتغير ويمكن بل أكيد انشاء الله أني مصر هتبقا أحسن بس ان كل مواطن يحافظ على البلد ويحترمها والدنيا هتتعدل انا مواطن مصري مغترب في الامارات وعمري ما جيت مصر ومولود بره بس قرأت كتب كتير عن مصر بعض السياسات غلط بس البعض الثاني كويس ألي في ايدينا عشان نغير السياسات ….. في في أيدنا حاجه … ألي هيا نفسك لو كل واحد حب الناس كأنهم أهلوا حتى لو غلطوا عليه احسن البلد هتتغير داخليه اما خارجيه فا الرئيس محمد حسني مبارك ما قصر لأن السمعه الخارجيه طيبه للدوله والكل يعرف ده

  38. بسم الله الرحمن الرحيم
    فى البداية سعدت لزياره مدونتك الراقية والمميزةو
    اليوم بأذن الله تعالى أعلن بدء العمل فى أول كتاب ألكترونى للمدونيين
    ويشتمل الكتاب على مقال لكل مدون أو قصيده أول اى شكل من أشكال الفنون
    وسيتم نشر الكتاب فى أول شهر يولية أى بعد مايقرب من 60 يوم
    من الأن على أن أتعهد أن يخرج الكتاب بالشكل الذى يليق بالمدونيين بدون حذف أى حرف
    من المكتوب على أن يتحمل كل كاتب مسئولية ماكتب
    كما أتعهد بأيصال نسخة لكل مدون من هذا الكتاب
    وأن ينشر هذا الكتاب فى كافة الموافع العربية الشهيرة
    وأيضا سأرسل نسخة منة ءالى كبر عدد من وسائل الأعلام
    مع فريق من الأخوه الذين سيساعدونى فى اصدار هذا الكتاب
    وقد تم تقسيم الكتاب لعده أقسام مختلفة بناء على طلب الكثير من المدونيين

    أقسام الكتاب الألكترونى
    1-المقالات
    2- الشعر
    3 – القصة القصيرة والرواية
    3- التصميمات والرسومات
    4- الكاريكاتير
    5- مقالات تكنولوجيا علوم الحاسب
    6- مجالات أخرى

    أما عن المطلوب من كل مدون كالأتى

    1- مقال أو قصيدة شعر أو عمل فنى مميز
    2-الاسم ثناءى أو ثلاثى إن أمكن
    3- صورة شخصية لوضعها أعلى العمل الفنى
    4- أسم المدونة
    5-رابط المدونة حتى يستطيع متصفح الكتاب الوصول لمدونة صاحب المقال او العمل الفنى
    6- وسيله أتصال مضمونة

    ووضع ذلك فى الرابط الأتى
    http://www.arabworld.zaghost.net/fourm/forumdisplay.php?f=89

    وفى النهاية أرجوا من الأخوه نشر هذا المقال لأكبر عدد من المدونيين
    كما أرجو كل من يضع عملة
    أن بضعة فى المكان المناسب حتى يسهل الفرز مع عم الرد أو أثارة أى نقاش
    فى أماكن وضع الأعمال الخاصة بكل مدون والمنتدى مفتوح بعد ذلك لكل شىء

    وجزاكم جميعاً الله كل خيرحس

  39. أنا غير مهتم بأول كتاب الكتروني للمدونيين

  40. الله يقرفك حاجتكن كزب عالخلق ما بدنا فساد كرهتو العرب فيكن يا علاء وجمال وراس الحية ابوكن

  41. شو يابنت شرقية بشوفك ضميتك صوتك للكلب جمال يلا خلي الكلاب تكتر هي اجت على أدك والله شي بيضحك
    هالكلاب منعوا عنا كل شي وخنقونا بغزة وراح يبنوا جدار فولاذي شو بدكن اكتر من هيك وساخة
    المرة الجاية راح يمنعوا عنا الهوا بغزة

  42. ياعم عادى

    دى كلها عذبه ابوهم واللى خلفوهم

    http://www.harfeesh.blogspot.com

  43. أختى (فلسطينية كرهانة عيلة مبارك كلها)
    مع إعتراضى والإختلاف الفكرى الشديد مع
    جمال مبارك وأمثاله
    يعنى اتكلمى عنه براحتك واتكلمى عن مساؤه
    إلا أن التجريح فى الأشخاص لا يكون إلا ضعفا

  44. شىء غريب ومدهش هذا التحول المربك .. فمدونة ..

    جمال مبارك المنهمك فى أمو ر أخرى مثل التوريث كان .. سيشغل بالة بمدونة الا إذا كان يشعر بأن شيئا

    لا بد سيحدث فيقدم دفاعا مسبقا للحوادث ( دفينس ) أو

    خلفية متحفزة للمجهول الذى حدث بالفعل .. وكما حدث معى فى مدونتى (مدونة الشاعر المصرى ابراهيم خليل)

    كنت أكتب وأدون رواية الكثبان الرملية لمجموعة من الشباب الذى يبحث عن ثورة للخروج من أزماتة . البطالة

    والفقر . وقيد الحريات وقد كتبتها قبل الثورة بنصف عام …

    وكأنى تنبأت بالثورة فعلا فهى تحكى الأحداث كما وقعت فى رواية معبرة عن المعاناة وهذا حدثى ولم أكن مصدقا نفسى حتى اندلعت الثورة25 يناير .. ولذلك ربما يكون جمال مبارك قد شعر ما شعرت بة .. مع تحياتى ابراهيم
    خليل (رئيس تحريرمجلة شموع الأدبية الأقليمية لمدن القناة .

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: