سياسة العاهرات لدى السياسيين المصريين

هذه تدوينة قلة أدب وشتمية من الأول علشان ماحدش يقول اني ماكتبتش تحذير. الحكومة والبلمان (البرلمان) أو مهيس الشعب (مجلس الشعب) زعلانين ومفقوعين من انتقادات البرلمان الأوروبي لملف حقوق الانسان في مصر، وذلك بعد أن أشار التقرير إلى عدد من الملفات الحساسة الي تثير حساسية النظام المصري وتتسبب في ظهور الطفح الجلدي على مسؤوليه. مصطفى بيك الفقي قال منذ قليل على الجزيرة أن الأوروبيون لديهم معايير مزدوجة وانتقائية، فهناك أمكان كثيرة في العالم وفي المنطقة العربية لديها ما لمصر من انتهاكات وأكثر ولم يكلف الأوربيون أنفسهم بتبني قرار مشابه لما تبناه لدى مصر. وأنه يختي على مقامه يشعر ان القرار يمثل استهدافًا غير مبربر (مبرر) لمصر بالذات، وأنه (يا روحي على مناخيره) يشم رائحة اسرائيل في القرار، وإلا لماذا أشار التقرير إلى الأنفاق في غزة. الحكومة استدعت الـ 27 سفيرًا الذين يمثلون دول الاتحاد ولبست الطرحة وفقعت كام صوت وشربتهم قهوة سادة احتجاجًا على القرار. وأحمد أبو الغيط شماشرجي الشئون الخارجية بيقول ان مصر عندها بتاع بتار بتخوف بيه قلالات الأدب زي الأوروبيين والاسرائليين وان محدش يقدر يواجه الخارجية المصرية وإلا حتمشيه عريان بلبوص وتفضحة زي ما أي واحدة مومس بتفضح الزبون لو ما دهاش المعلوم.

طيب اسمع دي. الفقي كل اللي فاقع *مرارته* ان كل هذه الملفات يتناولها المصريين في الداخل وتزخر بها الصحف المستقلة والحزبية ووسائل الاعلام وانه شخصيًا يطالب مراراً بصفته عضوًا مؤسسًا في المجلس القومي لحقوق الانسان بأكثر مما جاء بالتقرير، وأن ورود النقد بهذه الطريقة ومن جهة خارجية هو ضد الكرامة المصرية ولا تقبله مصر بأي حال من الأحوال.

كرامة إيه لبلد تنتهك كرامة المصري يوميًا. كرامة إيه لبلد بتاعة عصيان غلية وقراطيس ورق في أماكن حساسة. كرامة أي بلد إللي بتخاف من من ان أي حد يتكلم بصراحة. كرامة أي بلد يتسجن فيها أي حد علشان *بيقول* من غير سب وقذف. كرامة إيه لما يبقى المتظاهريين السلميين 100 وعدد أفراد الأمن 10000. كرامة إيه لما الناس ببتهان كل يوم في اقسام الشرطة على إيد جهلة ومجرمين. أي كرامة لبلد شعبها بقى مش لاقي حتى التراب علشان يسفه. أي كرمة لبلد المواطن بتاعها بقى أرخص من البرص. أي كرامة لبلد بقت مقلب زبالة كبير. أي كرامة لبلد فيها مرتب استاذ الجامعة يا دوب يجيب كلينكس يمسح بيه بعد الحمام. فين كرامة البلد دي لما طالب جامعي في سياسة واقتصاد وطالع الأول على الدفعة ينتحر من على كوبري على النيل علشان طلع انه *غير لائق اجتماعيًا*. أي كرامة هذه لما يغرق شباب البلد وهو بيحاول ينفد بجلده منها ومنكم يا حرامية يا نصابين يا فهلوجية يا فاضحينا في كل حارة وميدان.

اتكسف على دمك يا وقح سواء كنت انت أو أبو الغيط بتاع السيف المصدي إللي بيطرقع فيشار. مفيش عندكم دم ولا احساس يا ممثليين يا مزيفين يا طفيليون يا بياعين الشماعات يا فشلة. ريحة اسرائيل إللي شاممها في القرار ولا ريحتك المعفنة الفايحة يا فاسد يا كبريتيد الهيدروجين. انت بتاع حقوق انسان؟ انت بتاع طحن الانسان. انت بتاع تشريد الانسان. انت بتاع تفسيخ الانسان.

عارف ليه كرامتك فقعتك؟ علشان كل الناس عارفة مدى حياد الاتحاد الأوروبي. علشان مش حتعرف تقول انه قابض أو عميل. علشان عارف انه مهني ومالوش مصلحة. علشان عارف انك مش حتعرف تلفقله قضية وتسجنه وتعذبه وتدخل العصاية في **زه. وقال أيه حتقطع *بعض الصلات* بالاتحاد الأوروبي. هو لا مؤاخذة مين محتاج مين يا عبيط يا أهبل؟ ولا ياترى شباب أرووبا هما إللي بيجوا يغرقوا على سواحل دمياط ومرسى مطروح هربانين من بلادهم إللي مش لاقيين فيها حتى العبش الحاف. كفاية .. كفاية .. كفاية

Advertisements

4 تعليقات

  1. متوقع ايه يعنى مصطفى الفقى اللى خسر الانتخابات فرق 20 الف صوت و نجحوه بالتزوير و الله انا كل مابشوفوا فى التلفزيون بضحك

    اهم حاجة فى الموضوع كله اسرائيل اوعى اسرائيل تعضك.. اى حاجة يدخلك فيها اسرائيل و ممكن امريكا بس الاتحاد الاوربى دى جديده المرحلة اللى جايا اليابان

  2. حوش معاييرنا اللي مش مزدوجة في تعاملنا مع حركات الإسلام السياسي وتقديسنا لما يسمى بـ”حزب الله”..

    حوش معاييرنا اللي مش مزدوجة مع “الشورعة” واعتبارنا لما حدث في 1977 على أنه هبة شعبية رغم أنه لم يكن سوى تخريب في تخريب .. واسأل وائل عباس..

    نحن ألعن معارضة وشعباً من الحزبوطني الذي هو ألعن من أمريكا في معاييرها المزدوجة..

  3. حبيبى دى عالم واطيه ونصابه واتفضحو فى كل مكان وكل هدفهم تغير الحقيقه وبس وعلى فكره دى اناس احترفو النصب والسرقه والتزيف

  4. كله فى الهجايص
    الواحد نفسه فى ثورة

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: