فتوى الأسبوع: الفيليه…. لا يجوز المسح عليه

قررنا وضع ركن للفتوى في هذه المدونة نظرًا لما آل إليه جهل الأمة الاسلامية وحريمها على وجه الخصوص بشئون الدين الحنيف. وسؤال الأسبوع سيداتي انساتي ساداتي يجيب عنه هذه المرة فضيلة الدكتور عبد الله سمك. تقول السائلة:

ما شروط المسح على الشراب الفيليه (شراب السيدات)؟ [وصلة]

ويجيب فضيلته: إذا كان الشراب لا يمنع وصول الماء إلى الجلد فلا يصح المسح عليه فالشرط أن يكون سميكاً، وإلا فلا معنى لتلك الرخصة .

pantyhose.jpgيعني باختصار لمن هم فهمهم على قدهم أنه لا يجوز المسح على الشراب الفيليه لأنه مش سميك ويمكن للماء أن يصل إلى الجلد من خلاله بكل سهولة. الحل سيدتي أن تخلعيه حتى إذا كان الشراب واصل إلى أوراك سعادتك أو كنتي من الماجنات الائي يلبسن البانتي هوز. ونرى في هذه الفتوى مدى سماحة شيوخنا الأفاضل وعلمهم بأن الفيليهات ما هي إلا آداة من أدوات حملات الغرب على عقول فتياتنا ووسيلة لأن تتدنى منزلة الدين في نفوسهن. ونراهم أيضًا يعلمون مدى خبث هذه المنتجات التي تعطي صورة غير الصورة الحقيقية التي عليها أرجل فتيات وسيدات المسلمين. مما قد يعتبر غشًا وخداعًا وكذبًا وهي كلها أشياء لا يسمح بها الاسلام. فعزيزاتي تجنبوا مثل هذه المنتجات الغربية وعودوا إلى الأصول وما كان عليه أسلافكن من كامل العفة والطهارة وألبسوا جميعكن القبابيب أو قروا في بيوتكن ذلك أفضل لكن.

Advertisements

16 تعليق

  1. انت سافل

  2. ما كنتش أتوقع ان اعصابك تفلت منك بالشكل دة يا نها. انا كنت متخيل انك لا يمكن تشتمي. بس أنا بلتمسك العذر

  3. اتمنى انك تكون فهمت صح ليه انا اعصابى فلتت منى انا اعصابى فلتت لسببين اولا من الصوره العريانه السافله اللى انت حاططها فى الاول دى و اللى ماكانش ليها لزوم اساسا و عيب انها تكون موجوده فى مدونه محترمه ثانيا على تهمك و سخريتك من ارجل فتيات و سيدات المسلمين اللى لا انا و لا اى بنت تقبلها و لا على فكره دى مش اول مره تتريق على الستات و البنات العرب و المسلمين و خلى بالك انا بحذرك من انك تعملها تانى

  4. الصورة مش سافلة ولا حاجة.. دي في منتهى الجمال… هو فيه أجمل من جسم ست حلوة… حتى جسم الراجل كمان… اليونانيين والرومان يا ما عملوا تماثيل عريانة وممكن تكوني شفتيهم وكان المنظر طبيعي بالنسبالك. دي شوية امثلة من الفن اليوناني. أول صورة تمثال عاملينه لكبير الآله زيوس. زيوس برضه على شكل انسان .زي ما قال الرسول “خلق الله ‏ ‏آدم ‏ ‏على صورته” *:

    http://en.wikipedia.org/wiki/Image:Netuno19b.jpg

    http://en.wikipedia.org/wiki/Image:Aphrodite_Braschi_Glyptothek_Munich_258.jpg

    http://en.wikipedia.org/wiki/Image:NAMA_X15118_Marathon_Boy_3.JPG

    ليه بأة عندنا مشكلة مع الجسم العريان… مع انه ممكن يكون شيء الهي ومقدس كمان؟ انا طبعًا مش بقول نقلع هدومنا ونجري عريانين. وأرجو ان مفيش حد يعمل كدة لأن فيه ناس جسمها مش ممكن يبقى الهي خالص وانا بجد مش حتبسط لو حد عمل كدة عندنا. ممكن الموضوع دة يبقى كويس لو تم في فرنسا أو هولندا أو أي بلد من البلاد التي يقل فيها السيليوليت.

    وبعدين مين قلك ان دي مدونة محترمة. هل انا حاطط كرافتة على المدونة؟ بصي كويس، دة انا حاطط حمار وبياكل برسيم، وساعات الحمار دة نفسه بيساعدني في الكتابة لأن فيه أوقات ببقى انا نفسي زي الحمار ومش عارف اكتب. المدونة دي مش محترمة وأرجوكي متقوليش الكلمة دي تاني علشان عيب. المدونة دي على مزاج اللي خلفوني.

    وأرجوكي لا تتهميني بتهمك الباطلة هذه مرة أخرى. فأنا لا أسخر من أرجل وأوراك سيدات العرب والمسلمين. لأنه من يتابع كتاباتي سوف يرى أنه لا يوجد من هو أشد مني حرصًا على هاتين القيمتين الأصيلتين. وجل دعوتي تصب في دعوة نساءنا الأبرار على صون أرجلهن وأرواكهن حتى تستطيع امتنا الغراء الصمود في وجه المنافسة غير العادلة الآتية من كل البلاد المحيطة بنا.

    نسأل الله عز وجل التوفيق ونحمده على نعمه وعلى جزيل فضله. اللهم ان أسأنا فعليك المغفرة وإن أصبنا فعليك الثواب وحسن الخاتمة.

    * الحديث في صحيح البخاري رقم 5759. وهناك خلاف على لفظة على صورته، هل هي عائدة على الله عز وجل أم على آدم نفسه. والمثال لا يعني اطلاقًا مساواة الخالق عز وجل بأية آلهة وثنية وانما لتبيان أن خيال الانسان قد جعله يفكر في صورة الآله وعندما صوره وضعه في صورة مشابهة لصورته. لذا أعزائي وجب التنبيه

  5. اولا انا اسفه لانى قلت على مدونتك انها محترمه و عموما انت ادرى بيها ثانيا كل مره بتابع فيها مواضيعك بيتاكد لى اد ايه انت حريص على ارجل نساء فتيات العرب و المسلمين و لو انى مش متاكده اوى من صدق نيتك فى انهم يصونوا نفسهم و للمره المليون بشوف انك عندك شيزوفرينيا لانى انا شايفه انك مشتت فى رايك فى الستات العرب مع ان دول اللى وقفوا جنبك لغاية ما كبرت و قدرت تكتب الموضوع ده و لا انت كده شكلك اخدت بمبه عقدتك من كل البنات العرب و فضلت تتهكم عليهم بالشكل ده

  6. طالما هي مدونة علي مزاجك إلي خلفوك ..
    انا هرد علي مزاج إلي خلفوني بقى ..
    كل واحد ومزاجة ..
    بصراحة ..،
    المدونة و التدوينه دي جامدة ..،
    وارسل تحياتي للحمار زَميل الكفاح في التدوين ..،
    بيزورني احيانًا .
    : )

  7. يا اخت نها اتمنى انك تسيبى المدونة الفاسقة تلك و تشرفينى فى مدونتى المحترمة ستجدين ما يسرك

  8. عزيزتي نها… أرجوا أن تقبلي دعوة الأخ مولوف.. فهو أخ فاضل ذو أخلاق عاليه… وفعلاً سوف ستجدين ما يسرك. وبالمناسبة هو كمان عامل تخفيضات على الشرابات الفيليه.

  9. ميرسى يامولوف على الدعوه ولو ان انت مش كاتبلى عنوانهاثانيا انا هنا من زمان ومرتاحه على الرغم من انى مش موافقه على كتير من اراء اوتو سكريبتور بس ميرسى ع الدعوه و لاوتوسكريبتور انا راشده واعرف اختار المدونه او الموقع اللى ادخل عليه الا لو كنت عاوزنى ما ادخلش على مدونتك تانى و على فكره حتى لو دى رغبتك فانا مش هحققهالك لانى ماشيه بمزاجى وميرسى على عروض الشرابات واوعدك افكر

  10. صحيح يا اخى الصوره الواطيه دى ملهاش لازمه يعنى

    انا بصراحه فلاح ومكنتش اعرف الفليله ده يعنى ايه هههههه بس كان كفايه ورك واحد مش لازم تجيب الجثه كامله وانا عايز استفسر من سيادتك انت

    “”ونرى في هذه الفتوى مدى سماحة شيوخنا الأفاضل وعلمهم بأن الفيليهات ما هي إلا آداة من أدوات حملات الغرب على عقول فتياتنا ووسيلة لأن تتدنى منزلة الدين في نفوسهن. ونراهم أيضًا يعلمون مدى خبث هذه المنتجات التي تعطي صورة غير الصورة الحقيقية التي عليها أرجل فتيات وسيدات المسلمين. مما قد يعتبر غشًا وخداعًا وكذبًا وهي كلها أشياء لا يسمح بها الاسلام. فعزيزاتي تجنبوا مثل هذه المنتجات الغربية وعودوا إلى الأصول وما كان عليه أسلافكن من كامل العفة والطهارة وألبسوا جميعكن القبابيب أو قروا في بيوتكن ذلك أفضل لكن””

    انت بتسخر من مين بالظبط لان كلامك كله واضح ان فيه سخريه

    تحياتى والسلام

  11. أولا _ إنت حيوان
    ثانيا _ مفيش حد ينفع يخلط كلام ربنا بالسفالة دي اللي انت حاططها
    ثالثا_الصورة اللي انت حاططها دي شافوها بنات وولاد ودخلوا منها في حاجة اسمها زنى العين فالعين تزني والأذن تزني يابتاع قال الله ورسوله
    رابعا_كلامك المفروض موجه لبنت قبل ولد مينفعش لما تكون غلطان تقولها انا مكتبتش ان المدونة محترمة وراسم عليها كرافتة ياروح امك
    خامسا_لما الراجل بيغلط بيتأسف
    سادسا_ إنت كان ممكن جدا تنزل الكلام ده كله بصورة عادية جدا ومالهاش لازمة اللي انت حطيتها دي يا إما انت عايز تلفت النظر لمدونتك وبتحب الناس تقل أدبها عليك
    سابعا_لاإعمال للعقل على صحيح النقل علشان تشغل مخك في النص اللي منقول عن رسول الله او عن كتاب الله
    ثامنا_انت إنسان مش متزن عقليا وانا متأكد انك مش طبيعي
    تاسعا_ انا بشك إنك مسلم أاساسا خصوصا انه كتير دلوقتي من اعداء الاسلام بيعملوا زي سيادتك علشان يفرقوا المسلمين
    عاشرا_ زي ما ابتديت انت حيوووووووان
    ههههههههههه
    سلام ياعم الاسكريبتور

  12. لو دكر رد عليا

  13. أخي العزيز عربولا.. أنا أسخر من المشايخ وكل من لبس العمائم وعاش عالة على المجتمع بحجة انه فقيه أو عالم دين أو درويش أو من أولياء الله الصالحين. وأثني على صراحتك بجهلك لهذا المنتج الغربي كما أثني على حذاقتك لاكتشافك السخرية في النص

  14. أخي غير العزيز محمد حسين حمزة،

    الحمد لله رب العالمين، الرحمن الرحيم، مالك يوم الدين والصلاة والسلام على اشرف الأنبياء والمرسلين، وقائد الغر المحجلين، وإمام المتقين أنصح الخلق وأبرهم وأزكاهم وأتقاهم وأعلمهم بمراد الله سبحانه وتعالى وأشدهم في أمر ربه جل وعلا اختاره الله للرسالة الخالدة والشريعة الخاتمة المهيمنة وأعطاه من كمال البيان مالم يعط غيره من الناس ، وبعد:

    أفلا لعنة الله عليك وسخطه وغضبه يحيطون بك أنت ومن شابهك. يا من أنكرت علينا حر تصرفنا في موقعنا الشبكي وأستكثرت علينا ما نعيشه هنا من وهم الحرية.

    أما ما أوردته من سخف وهطل فهو أقل من أن يرد به عليك، إلا قولك ،مما قد التبس على العامة، من أنه لاإعمال للعقل على صحيح النقل. فاعلم أيها الغافل أنه لا سلطة تعلو فوق سلطة العقل إلا عند أمثالك ممن غابت عنهم العقول فأحاطت بهم الشرور. فأنت وغيرك من القطيع قد جمعهم أصحاب العمائم في الحظير، فليس لكم من مهرب ولا مجير.

    أعلم أخي الجاهل، ان أردت لتعليقك أن ينشر، حتى وإن كان به سبابًا وشتائمًا دالة على صاحبها، فلابد وأن يكون للأفكار وعاءًا وليس مجرد كلام فارغ أو فساءًا. نسأل الله أن يمدكم بالعقل السديد والفهم الرشيد وآخر دعوانا أنه الحمد لله رب العالمين.

  15. اتـــق الله!!
    كيف تتجرأ وتضع مثل هذه الصورة التي لن تستطيع أن تتبرأ من تيعاتها أمام الله القهار يوم القيامة؟؟!
    أستحلفك بالله ربنا العظيم أن تحذفها تماما
    وكن لله طائعا
    وله محبا
    ومنه خائفا

  16. بص يا معلم، انت حر تعمل اللي انت عايزه دي مفيهاش كلام
    بس انت مش في بيتك هنا، و في ناس بتجي عندك و لو بالغلط (زيي مثلا) و مينفعش تكون الصوره دي في الوش كده .

    تخيل لو امك، او اختك شافوها ، هتبقي مبسوط ؟

    ممكن تفكر فيها كانك حر في بيتك، بس مينفعش تقعد من غير هدوم عشان اهلك اللي في البيت، و عشان جيرانك اللي هيشوفوك في البكونه

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: