من قال أن المصريين شعب “مرخي”؟

من النادر أن تسأل سؤال كهذا وتأتيك الإجابة بهذه السرعة بل وبالتطبيق العملي أيضًا. كتبت منذ أكثر من أسبوعين مقتبسًا أحد التعليقات على أخبار مصراوي ووضعت عنوانًا: “هل المصريون شعب “مرخي”؟” كنوع من التعجب والاعتراض على أحوال المصريين واستكانتهم وسكوتهم على الأوضاع المزرية التي يعيشونها. وصلت نسبة التضخم وحسب تقارير رسمية إلى 15.8% بينما يطالب العمال بحد أدنى للأجور لا يقترب حتى من الحد الأدني من الكرامة البشرية. وبدأت أسأل نفسي عن ما الذي يفعله بالضبط النظام الحاكم في مصر؟ معلوماتي أنه ليس بهذا الغباء حتى يترك الأمور لتصل إلى هذا الحد من الانفلات. بل ماذا يريدون؟ هل يريدون مصر بلا شعب؟ أي حاكم وأي شخص يجلس متربعًا على كرسي السلطة لن يشعر بسلطته إلا بوجود شعب يستمد منه شعوره بالتحكم والعلو. ولكن حتى يستمر هذا الوضع -وضع المحكوم ووضع الحاكم المتسلط- لابد من ضمان الحد الأدنى الذي يجعل الحياة تستمر. ولكن لماذا الاستغباء؟

أخطر ما يمكن أن يحدث لأي شعب هو أن يفقد الأمل في الحياة تمامًا. أخطر ما يحدث أن يصبح الإنسان بدون أي شيء ليخسره أو يبكي عليه. عندها لا يهتم أحد لعائلته أو دكانه أو حتى أطفاله الرضع، فهو بات يعرف جيدًا أنها خربانة خربانه وأن الحياة أصبحت لم تعني شيئًا ولا تستحق ان يعيشها الانسان على أية حال. وعندما نصل إلى هذا الحد جميعًا تنفجر حلة الضغط الكبيرة التي نعيش بداخلها، وحينها ستتناثر قطع اللحم مع الخضار ويغرق النظام في شوربة كبيرة لن ينفع معها غسل حيطان المطبغ ولكن لا بد من عملية اعادة كاملة لطلاء الجدران من الممكن أن تكلف كثيرًا.

لقد راهن مبارك كثيرًا على استقرار الأوضاع في مصر وكرر كثيرًا أن الاستقرار هو الباعث على التنمية والتقدم والازدهار. والغريب انه كان هناك بالفعل استقرارًا للأوضاع يشبه إلى حد كبير السكون، سكون المقابر الذي تراه مباشرة بعد مغادرة زائرو المقابر عند الغروب من يوم الخميس. هذا الرهان على الاستقرار أصبح الآن رهانًا خاسرًا. مصر الآن ليست مستقرة ولا ساكنة. الناس بدأت بالشعور بأن المزيد من السكون معناه الموت فلا ضير إذن من الانتحار فعلى الأقل يمكن للمرئ أن يختار طريقة الموت المفضلة.

ولكن دعونا نعود إلى سؤالنا: “من قال أن المصريون شعب “مرخي”؟” هل رأيتم ما حدث في المحلة؟

Advertisements

10 تعليقات

  1. هما مش مرخين ولا حاجة
    مرض الاستبحس مسيطر
    علي المصريين من ايام
    فرعون
    ف خلاهم مخريين
    مرورا بالاستعمارات
    والحروب والنكسة
    والبلاوي اللي حصلت
    اللي احنا مش مسئولين
    عنها غير ان الجنسية بتحكم
    لكن اغلب الظن ان الطبع
    بيغلب واتعود المصريين
    علي الظلم والفساد
    و كل ما هو عجيب
    ومش معني ان شويه
    ناس مخنوقة توقع صنم لمبارك
    ان دي حاجة مفرحة
    وان الشعب مش مرخي(!!)

  2. إضافة
    العجيب فعلا ان كليب زي دا
    خلاك تغير رأيك فجأة ف المصريين
    يعني انا خلصت تعليق من هنا
    وصادفتني التدوينة دي منها
    https://bloggah.wordpress.com/2008/03/26/%d9%87%d9%84-%d8%a7%d9%84%d9%85%d8%b5%d8%b1%d9%8a%d9%88%d9%86-%d8%b4%d8%b9%d8%a8-%d9%85%d8%b1%d8%ae%d9%8a%d8%9f/#comment-6394

  3. الى مذهل مين قالك انه غير رايه اساسا هو ما قالش رايه فى الموضوع اللى فات على الرغم من انى طلبت منه ده لكن هو ما نفذش و مش معنى انه نقل الموضوع للمدونه و ما قالش رايه يبقى هو موافق مش حقيقى لانه المره دى قال رايه و هو انه انه كان رافض الكلام اللى اتقال المره اللى فاتت و بعدين على فكره بقى اى حد ممكن يشوف الكليب ممكن يغير رايه لان طالما فى و احد عمل حاجه زى دى وسط الناس يبقى هم كمان موافقين على انه يوقع الصوره ودى ف حد ذاتها حاجه كويسه و مبشره لا و ايه فى و جود امن الدوله امن الدوله من قبلها بيومين كانت مقفله المحله و برغم كده مخافش ومش بس الراجل ده اللى عمل حاجه م بتدخلش ع النت و بتشوف المدونات و المواقع و اللى بيتكتب فيهم على الرغم من علمهم انهم ممكن يتشدوا ف اى وقت ما شفتش ان الناس البسيطه جدا بقت تتكلمفى السياسه و عن اللى بيحصل ازاى لعلمها انه مهما حصل مش هيكون اسوا من اللى موجود ما شفتش الفضائيات و المظاهرات المتفرقه و حركات كفايه و الاخوان اظن ان كل دى مؤشرات توضح اوى لاى حد ان فى حاجه فعلا بتحصل و حاجات كتيره هتتغير قريب و لما كنتش شايف ده انصحك بنضاره نظر

  4. الي nhnoha
    انا مقلتش ان مفيش حاجة بتحصل (!!)
    في حجات كتير بتحصل
    بس الحجات دي او المفترض ان الاحساس
    بالظلم والفساد عايشه المصريين من 27 سنة (!!)
    والاستعمارات والحروب والحجات دي كلها
    ما هي كانت ( حاجة بتحصل ) واستحملناها
    سنين وسنين وكانت بتفرج بعد زمن
    بعد ما كل حاجة تبوظ ونبدأ من جديد
    اللي انا عايز اقوله اننا بقالنا كتير أوي …. أوي
    بنحاول نطلع السلم وكل ما نطلع سلمة
    تحسي إنها أول سلمة (!!)
    والسلم لسه طوووووويل
    حقيقي حاجة محبطة فعلا
    وكل اللي حضرتك حكيت عنه فضائيات ومظاهرات و و الخ
    كلها مهدئات , حاجة كدا زي المنوم
    لمجرد عدد سعات معينة وبعدين بنصحي نلاقسي
    كل حاجة زي ما هيه
    احباط احباط في لبانة .
    *

  5. اضافة : بديهية
    بالنسبة لموضوع مين قالك

    هو هناك في الموضوع الاول
    هل المصريون شعب مرخي ؟
    حاجة من اتنين
    يا عجبه الكلام وشاكك في مصداقيته
    يا عجبه الكلام لدرجة عدم لزوم وضع رأيه
    بمعني انه شايف انه الكلام دا صح 100%

    بس اغلب الظن انه مع الحاجة الاول
    وعلشان كدا قلت ليه مجرد كليب
    ممكن يغير رأي في حق شعب كامل
    وعشان كدا حسيت انها
    معادلة مفيهاش اي موضوعية (!!)

  6. اضافة اخيره
    والحقيقة انا مش اخبي عليك
    انا كنت سعيد وحاسس بنشوة
    ف اول مره اتفرج علي الكيلب
    لكن بعد كدا قلت
    طب وبعدين ؟
    هنقضيها توقيع بنارات
    وصور ؟
    ومش قادرين نقول لا بصوت عالي ليه ؟؟؟؟؟؟؟؟؟؟؟؟؟؟؟؟؟؟؟؟
    كمان ليه كلنا مش عارفين نجتمع علي رأي واحد
    ليه كل واحد بيفكر ف مصالحة الشخصية وبس ؟؟؟؟؟؟
    أنا ومن بعدي الطوفان .

  7. اضافة اخيره بجد 😀

    انظر هنا الي بداية كلام صاحب المدونة وسوف
    تفهمي ان ما نقله اقتنع به
    لذلك قال : قد تتوصل إلي نفس الاسباب التي ساقها
    كاتب الموضوع .
    *******

    ((وجدت هذا التعليق على أحد المقالات في موقع مصرواي، وعلى الرغم من قسوة الاحكام فيه، إلا انه بعد اليسير من التفكير قد تتوصل إلى نفس الأسباب التي ساقها كاتب التعليق.))

  8. الي صاحب المدونة انت اثبت لي انك هفقً كبيراً

  9. لا انت لست هفقً
    انت حماراً حصاويً

  10. ما شاء الله!! إيه الرحابة دي؟؟

    هفق و حصاوي، و حاجات جميلة خالص… ما تقوم تاخده قلمين يابني… جاي على نفسك كده ليه و الله؟

    أنا بس تعبان قوي من حكاية ” أن المصريون ” دي… بتوجع.

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: